ஆரோக்கியமாக இருக்கிறேன் பாரதத்தின் உள்துறை அமைச்சர் அமித்ஷா வெளியிட்ட பத்திரிகை செய்தி.
கடந்த சில நாட்களாக, சிலர் எனது உடல்நிலை குறித்து சமூக ஊடகங்கள் மூலம் பல கருத்துக்களை பரப்பியுள்ளனர். எனது மரணத்திற்காக பலர் ட்வீட் செய்து பிரார்த்தனை செய்துள்ளனர்.
நாடு தற்போது கொரோனா போன்ற உலகளாவிய தொற்றுநோயை எதிர்த்துப் போராடுகிறது, நாட்டின் உள்துறை அமைச்சர் என்ற நிலையில் எனது வேலையில் இரவு வரை பிஸியாக இருந்ததால் நான் அதைக் கவனிக்கவில்லை. ஆனால் இது என் கவனத்திற்கு வந்தபோது,அவர்களும் கற்பனை செய்து மகிழ்கிறார்கள் , அனுபவிக்கட்டும் என்று நினைத்து நான் எந்த பதிலும் கொடுக்கவில்லை.
ஆனால் எனது கட்சிக்காரர்கள், தொண்டர்கள் மற்றும் எனது நலம் விரும்பிகள் கடந்த இரண்டு நாட்களாக மிகுந்த கவலையை வெளிப்படுத்தியுள்ளனர், அவர்களுடைய கவலையை என்னால் புறக்கணிக்க முடியாது.
"நான் முற்றிலும் ஆரோக்கியமாக இருக்கிறேன், எனக்கு எந்த நோயும் இல்லை" என்பதை இன்று தெளிவுபடுத்த விரும்புகிறேன்.
இந்து மத நம்பிக்கைகளின்படி, இதுபோன்ற வதந்திகள் ஆரோக்கியத்தை பலப்படுத்துகின்றன என்று நம்பப்படுகிறது. எனவே, இதுபோன்ற வதந்திகளை பரப்புபவர்கள் இது போன்ற அல்ப வேலையை விட்டுவிட்டு, என்னை வேலையைச் செய்ய விடட்டும், அவர்களும் தங்கள் வேலையை செய்வார்கள் என்று நம்புகிறேன்.
நலம் விசாரித்த அனைவருக்கும், என் உடல் நலம் பற்றி கவலைப்பட்ட எனது நலம் விரும்பிகள், மற்றும் கட்சி தொண்டர்களுக்கும் நன்றி கூறுகிறேன்.
இந்த வதந்திகளை பரப்பியவர்கள் மீது எனக்கு எந்தவிதமான துவேஷம் இல்லை. அவர்களுக்கும் எனது நன்றிகள்.
-அமித்ஷா
