மய்யமும் ஆன்மிகமும் இணையுமா? கமல் சொன்ன தலைசுற்ற வைக்கும் பதில்!
கமல்ஹாசன் இன்று தனது தேர்தல் பிரச்சாரத்தை மதுரையில் தொடங்கினார்.
![](https://static.langimg.com/thumb/msid-79706141,imgsize-56320,width-540,height-405,resizemode-75/samayam-tamil.jpg)
மக்கள் நீதி மய்யம் கட்சியைத் தொடங்கி முதன்முறையாக மக்களவைத் தேர்தலில் போட்டியிட்டாலும் தற்போது முதல் முறையாக சட்டமன்றத் தேர்தலில் களம் காண்கிறது.
அதில், “சீரமைப்போம் தமிழகத்தை என்ற பெயரில் மக்கள் நீதி மய்யம் கட்சி தலைவர் கமல்ஹாசன் தனது முதல்கட்ட தேர்தல்பிரச்சாரத்தை வரும் 13-ம் தேதிமதுரையில் தொடங்கி தேனி, திண்டுக்கல், விருதுநகர், திருநெல்வேலி, தூத்துக்குடி மற்றும் கன்னியாகுமரி ஆகிய மாவட்டங்களில் 16-ம் தேதி வரை பிரச்சாரம் செய்யஉள்ளார்” என்று தெரிவிக்கப்பட்டது.
முன்னதாக மதுரை விமான நிலையத்தில் அவர் பேசும் போது, “இரண்டரை ஆண்டுகளுக்கு முன்பாக மதுரையில் தொடங்கிய கட்சி மக்கள் நீதி மய்யம். அதனால் பிரச்சாரத்தையும் மதுரையில் தொடங்குவதுதான் உசிதம். கடைசி நேரத்தில் சில இடங்களில் அனுமதி மறுக்கப்பட்டுள்ளது. தடை எங்களுக்கு புதிதல்ல. அதற்கு அனுபவம் இருக்கிறது. ஒத்திகை பார்த்துவிட்டு தான் வந்திருக்கிறோம். அதனால் எங்களுக்கு பதற்றமில்லை.”
மக்கள் நீதி மய்யமும், ஆன்மிக அரசியலும் சேர்ந்து பயணிக்க வாய்ப்புள்ளதா என்று கேட்கப்பட்ட போது, “அணிகள் பிளவுபடும், அணிகள் கூடும். இப்போதைக்கு இவ்வளவுதான் சொல்ல முடியும்” என்று கூறினார்.
உங்கள் தலைமையில் மூன்றாவது அணி அமைக்க சாத்தியம் இருக்கிறதா என்ற கேள்விக்கு பதிலளித்த அவர், “எப்போது சாத்தியம் என்பதை இப்போது தெரிவிக்க முடியாது” என்றார்.